Fondacioni Care for Kosovo Kids

Që nga viti 2013, CfKK siguron të gjitha barnat për trajtimin e pacientëve të diagnostikuar me kancer në repartin e Hematologjisë-Onkologjisë Pediatrike të QKUK-së – i vetmi spital publik ku trajtohen fëmijët me kancer nga e gjithë Kosova.

±50 fëmijë trajtohen çdo vit me ndihmën e CfKK-së. Nëpërmjet mbështetjes bujare nga donacionet, fondacioni angazhohet për të shpëtuar jetën e fëmijëve.

Pse Care for Kosovo Kids?

Qëllimi ynë kryesor është të sigurohemi se fëmijët e shtruar në repartin e Hematologjisë-Onkologjisë Pediatrike të QKUK-së të marrin barnat e tyre kundër kancerit dhe ato ndihmëse në bazë të kërkesave zyrtare të mjekëve. Duke pasur parasysh pagat mesatare të ulëta në vend, prindërit e këtyre fëmijëve e kanë të pamundur të përballojnë blerjen e barnave me kosto të lartë. Përveçse të shtrenjta, shumë prej barnave nuk gjenden në barnatoret vendore.

Si e arrijmë qëllimin tonë?

CfKK synon të arrijë këtë qëllim duke ofruar mbështetje në shkallë të vogël. Përmes komunikimit të drejtpërdrejtë dhe duke shmangur procedurat burokratike që marrin kohë, ne synojmë të sigurojmë që mbështetja jonë të përfundojë direkt në repartin e Hemato-Onkologjisë Pediatrike të Qendrës Klinike Universitare të Kosovës në Prishtinë. Efikas, i përballueshëm dhe efektiv.

Fëmijë të trajtuar
0 +
Vullnetarë
0
Vite (përvojë)
0

Darka e bamirësisë Care for Kosovo Kids 2022

Darka vjetore e bamirësisë Care for Kosovo Kids 2022 ishte një sukses i madh! Jemi të lumtur të ndajmë lajmin se Darka e Bamirësisë CfKK 2022 e mbajtur më 8 qershor 2022 në Holandë rezultoi në një shumë të jashtëzakonshme prej 193,775 €!

Jemi shumë krenarë për grupin e madh të mbështetësve bujarë dhe besnikë të fondacionit për këtë rezultat fantastik! Ne ishim të emocionuar dhe të nderuar që këtë mbrëmje na u bashkuan ambasadorja holandeze në Kosovë, Carin Lobbezoo dhe ambasadori kosovar në Holandë, Dren Doli.

Të gjitha paratë e mbledhura do të shkojnë për projekte, të cilat do të përcaktohen nga Care for Kosovo Kids që ndihmojnë fëmijët me kancer në Kosovë. Ne gjithashtu dëshirojmë të falënderojmë të gjithë vullnetarët që kontribuan në realizimin e kësaj darke!

Darka dhe vendi u dhuruan nga Postillion Hotel Amersfoort Veluwemeer
Fotot: Rene Van Manen dhe Henk Merjenburg
Stilimi: Anita van Hemel dhe Mirjam van der Pol

Care for Kosovo Kids në imazhe

Duke informuar donatorët fisnik për ecurinë e trajtimit të fëmijëve në Kosovë

Mrika dhe Edona duke moderuar në pritjen e 10-vjetorit të CfKK-së

Bashkëpunim i ngushtë i onkologëve të QKUK-së dhe ekipit të Princess Máxima

Vizitë pas ceremonisë së hapjes së laboratorit të rinovuar të Patologjisë

Nënshkrimi i marrëveshjes mes QKUK-së, Qendrës Princesha Máxima dhe World Child Cancer për programin Outreach.

Mjekët Rufadie Maçastena, Enver Hasi, Bardhyl Abrashi dhe Arbana Zejnullahu prapa mikroskopëve.

Pako higjenike për pacientët e rinj!

Përgaditja e terapisë nga infermieret Trimona Behxheti dhe Vlora Hyseni.

Fatime Shaqiri dhe Rasima Kandic në kuzhinën e spitalit të fëmijëve të sapo-pajisur.

Çfarë thonë njerëzit

Tregime personale

Eliesa en Noar Maloku:
“Asgjë tjetër përveç lavdërimit për Fondacionin”

ÇDO KONTRIBUT VLERËSOHET SHUMË

Ndihmoni në shpëtimin e jetës së fëmijëve kosovarë!