DHURO
DHURO

Çfarë bën Care for Kosovo Kids

‘Fondacioni Care for Kosovo Kids synon të ndihmojë fëmijët që vuajnë nga kanceri në Kosovë. Si profesor i Onkologjisë Pediatrike dhe ambasador shkencor nuk mund ta theksoj mjaftueshëm rëndësinë e kësaj pune. Përkundër afërsisë së saj me Evropën Perëndimore, shanset për mbijetesë të kësaj sëmundjeje vdekjeprurëse janë shumë të ulëta në Kosovë. Si një onkolog pediatrik, unë e di nga përvoja se si me relativisht pak burime shumë fëmijë mund të shpëtohen. Bashkohuni me ne në këto përpjekje!’

Gertjan Kaspers, Ambasador i CfKK, Profesor i Onkologjisë Pediatrike VUmc / Amsterdam UMC, Drejtor i Akademisë & Outreach, Qendra për Onkologji Pediatrike Princesha Máxima në Utrecht, Anëtar i Bordit Qendror të Fondacionit për Onkologji Pediatrike në Holandë, Kryetar i Fondacionit World Child Cancer në Holandë

dhuro

Gertjan Kaspers

Fondacioni Care for Kosovo Kids

Sipërmarrësja holandeze Anke Gerrits dhe pediatërja kosovare Dr. Sevim Cinci themeluan fondacionin Holandezo-Kosovar Care for Kosovo Kids në vitin 2013. Ato ndërmorrën këtë iniciativë sepse stafit të departamentit të onkologjisë pediatrike të Qendrës Klinike Universitare në Prishtinë u mungonin burimet për të trajtuar fëmijët që vuanin nga kanceri.

Shumica e prindërve nuk janë në gjendje të përballojnë një trajtim të shtrenjtë në spitalet private ose në spitalet jashtë vendit, dhe si rezultat shumica e fëmijëve të diagnostikuar me kancer kanë mundësi të ulët mbijetese.

Lexo më shumë

Qëllimi i fondacionit CfKK është të sigurojë që çdo fëmijë kosovar me kancer të marrë trajtim adekuat në vendin e vet.

Fondacioni i arrin qëllimet e tij duke pajisur stafin mjekësor të departamentit për Onkologji Pediatrike të QKUK-së me kemoterapi, barna të tjera esenciale dhe ushqim enteral për fëmijët. Për më tepër, CfKK ofron edhe materiale të tjera që nevojiten për një trajtim të plotë, duke përfshirë barnat kundër dhimbjes, gjilpëra, shiringa, pajisje infuzioni, kateter dhe epruveta.

 

Bashkëpunim i ngushtë me specialistë

Të gjitha aktivitetet e kryera nga fondacioni zhvillohen në bashkëpunim të ngushtë me ekspertë të departamentit të Onkologjisë Pediatrike dhe / ose departamenteve të tjera të QKUK-së në Prishtinë, me anëtarët e bordit kosovar dhe me pediatër onkologë të Qendrës Princesha Máxima në Utrecht, Holandë.

Lexo më shumë

Ekipi mjekësor Kosovar – nga majtas: Dr. Arbana Zejnullahu, Dr. Bardhyl Abrashi, Dr. Violeta Uka, Dr. Rufadie Maçastena, Minire Huniler, Edita Krajkova, Fatime Dërguti, Dr. Enver Hasi. Mesi nga majtas: Vlora Hyseni, Azemine Haliti, Malsore Vitija. Fundi nga majtas: Edona Toplica, Mirishah Abazi, Trimona Behxheti

Shpëtoni jetën e fëmijëve kosovarë!

dhuro

Bashkëpunimi me Qendrën Princesha Máxima për Onkologji Pediatrike

Bashkëpunimi intensiv mes departamentit për onkologji pediatrike të QKUK-së në Prishtinë dhe Qendrës Princesha Máxima në Utrecht, Holandë, është thelbësor për diagnostikimin dhe trajtimin më të mirë onkologjik. Qendra Princesha Máxima, spitali më i madh pediatrik-onkologjik në Evropë, synon të shërojë çdo fëmijë që vuan nga kanceri duke ruajtur cilësinë më të mirë të jetës. Qendra Princesha Máxima nuk mund të kontribuojë me para, barna ose pajisje, por ndan në mënyrë aktive njohuritë dhe përvojën me mjekët që punojnë në departamentin e Onkologjisë Pediatrike të QKUK-së në Prishtinë. Më shumë në: www.prinsesmaximacentrum.nl

Programi Outreach (i Informimit)

Nënshkrimi i Memorandumit të Mirëkuptimit (MM) ndërmjet Qendrës Klinike Universitare të Kosovës, Qendrës Princesha Máxima për Onkologji Pediatrike në Holandë dhe Fondacionit World Child Cancer në Holandë ishte një hap i rëndësishëm për trajtimin e fëmijëve me kancer në Kosovë. Kontrata përcakton që mjekët e QKUK-së, infermierët, stafi teknik, hulumtuesit dhe profesionistë të tjerë kosovarë bëhen anëtarë të Programit të Informimit të Qendrës Princesha Máxima. Në këtë program, ata trajnohen në zhvillimet më të fundit shkencore dhe protokollet në onkologjinë pediatrike.

Të gjitha shpenzimet mbulohen plotësisht nga Fondacioni World Child Cancer në Holandë, në bashkëpunim me Qendrën Princesha Máxima. Trajnimi dhe edukimi zhvillohen përmes një programi shkëmbimi të profesionistëve mjekësorë midis Qendrës Princesha Máxima në Hollandë dhe QKUK-së në Prishtinë. Për më tepër, të dy spitalet gjithashtu bashkëpunojnë në fushat e kërkimit. Kriza aktuale me Covid-19 ka parandaluar përkohësisht shkëmbimet ballë për ballë, por takimet virtuale vazhdojnë në baza të shpeshta.
Lexo më shumë

Leukemia

Sa herë që një fëmijë diagnostikohet me leukemi, mjekët e departamentit të onkologjisë pediatrike në Prishtinë dërgojnë një mostër të palcës kockore në Qendrën Princesha Máxima në Utrecht. Departamenti në Kosovë aktualisht nuk mund të përcaktojë biologjinë molekulare të këtyre mostrave, gjë që e bën klasifikimin e leukemisë më të vështirë.

Për të vendosur diagnozën dhe trajtimin e saktë të llojeve të ndryshme të leukemisë, këto mostra të palcës kockore analizohen në Utrecht, dhe klasifikohen dhe diskutohen nga onkologët pediatër në të dy spitalet. Atëherë mund të sigurohet trajtimi i saktë.
Lexo më shumë

Ekipi i programit Outreach (nga e majta në të djathtë): Linde Pothoff, Donna Sluijs, Sophie Haverkate, Dionne Mooij, Dr. Martine van Grotel, Dr. Corrie Gidding

Ekipi i Outreach

Ekipi i Outreach i Qendrës Princesha Máxima përbëhet nga tre onkologë pediatër. Njëra është e specializuar për tumoret e ngurta, tjetra për tumoret e trurit dhe e treta është e specializuar për malinje hematologjike. Këto të fundit përbëhen nga shqetësimet malinje të gjakut dhe indeve që formojnë gjak si leukemia akute dhe kronike.

Ekipi më tej përbëhet nga një mjeke infermiere e specializuar në hemato-onkologji dhe dy infermiere shtesë. Nga këto dy infermiere, njëra ka specializim në tumoret e ngurta, tjetra në transplant të palcës së kockave, hematologji dhe edukim. Dy punonjëse të kujdesit për fëmijët janë gjithashtu pjesë e ekipit Outreach. Ato dijnë më së miri se si të mbështesin fëmijët që luftojnë me kancerin, të cilëve u duhet të nënshtrohen trajtimit dhe si të sigurohen që frika dhe shqetësimi i këtyre fëmijëve të lehtësohet. Ato i ndajnë njohuritë e tyre me psikologen kosovare dhe infermieret e onkologjisë. Pediatërja Onkologe dhe kryetarja e ekipit të Outreach,Martine van Grotel është poashtu pjesë e Bordit të CfKK.
Lexo më shumë

Praktikantët janë të mirëpritur

Ne posaçërisht mirëpresim kontributin e profesionistëve të rinj – me rrënjë shqiptare – që duan të kontribuojnë në CfKK. Poashtu, mirëpresim edhe studentë ndërkombëtarë të cilët dëshirojnë të kontribuojnë shkencërisht në trajtimin dhe shërimin e fëmijëve që vuajnë nga kanceri.

NA KONTAKTONI

Qëllimet

Afatshkurtër

CfKK vazhdon të bëjë atë që ka bërë deri më tani: të sigurojë që fëmijët me kancer të marrin trajtimin më të mirë të mundshëm. Nga diagnoza, te trajtimi, te mjekimi dhe duke përfshirë kujdesin e duhur të mëtejshëm.

Afatmesëm

CfKK përpiqet të sigurojë që të gjithë fëmijët që vuajnë nga kanceri në Kosovë të mund të trajtohen në departamentin për onkologji pediatrike të QKUK-së. Këtu ata i nënshtrohen të njëjtit trajtim mjekësor si në vendet e tjera të Evropës. Vetëm rastet më të komplikuara – të tilla si ato që përfshijnë transplantim të palcës kockore – do të duhet të trajtohen jashtë vendit.

Për shumë vite tani, prindërit kosovarë mund të kenë besimin se fëmijëve të tyre u jepet trajtimi më i mirë i mundshëm në departamentin e Onkologjisë Pediatrike të QKUK-së në Prishtinë. Aspektet mjekësore të trajtimit sigurohen përmes bashkëpunimit të ngushtë mes QKUK-së dhe Qendrës Princesha Máxima – qendra më e madhe e njohurive për onkologjinë pediatrike në Evropë. Për më tepër, trajtimi, mjekimi dhe ushqimi janë plotësisht të mbuluara. Nuk është nevoja të vizitohen spitalet jashtë vendit. Prindërit mund ta dërgojnë me besim fëmijët e tyre në departamentin e Onkologjisë Pediatrike të QKUK-së në Prishtinë.

Lexo më shumë

Afatgjatë

Qëllimi përfundimtar që CfKK i ka vendosur vetes do të arrihet kur puna të cilën e kryen fondacioni të mund të organizohet në mënyrë të pavarur nga ekspertë kosovarë me qeverinë e tyre.

Rezultatet

✓ Të gjitha barnat janë të paguara

Fondacioni CfKK blen të gjitha barnat e nevojshme direkt te prodhuesi. Kjo bëhet në konsultim të ngushtë me mjekët e repartit. Dorëzimi dhe shpërndarja brenda spitalit kontrollohen dhe regjistrohen me kujdes.

✓ Ushqim enteral për të gjithë pacientët që kanë nevojë për të

Ushqimi i duhur është thelbësor për shërimin e shpejtë të çdo pacienti, veçanërisht atyre nën trajtimin e kancerit. Në konsultim me nutricionistët holandezë, CfKK siguron që të gjithë fëmijët në spitalin pediatrik të kenë qasje në ushqimin enteral për të cilin kanë nevojë dhe inkurajon përdorimin e tij.

✓ Kur është e nevojshme, kujdes paraprak dentar

Fëmijët që trajtohen me kemoterapi shpesh nuk mund t’i nënshtrohen kujdesit dentar. Prandaj, është me rëndësi që dhëmbët e tyre të kontrollohen para se t’i nënshtrohen kemoterapisë dhe të marrin kujdesin e duhur dentar. Stomatologu i spitalit kryen këto kontrolle dhe trajton fëmijët mbi baza vullnetare. CfKK luan një rol të rëndësishëm në lehtësimin e kontaktit dhe komunikimit mes stomatologut dhe departamentit të Onkologjisë Pediatrike.

✓ Mbështetje psikologjike para, gjatë dhe pas trajtimit

Falë mbështetjes nga CfKK reparti ka punësuar një psikologe. Ajo merret drejtpërdrejt me fëmijët dhe përveç mbështetjes mendore ajo gjithashtu ofron mbështetje më praktike për fëmijët, prindërit e tyre dhe CfKK. Për të informuar dhe përgatitur fëmijët (dhe prindërit) për atë që do të ndodhë, ata pajisen me një libër për fëmijë që trajton këtë temë.

✓ Të gjithë fëmijët pajisen me një pako të mirëseardhjes me një lodër dhe gjësende për higjienën personale si sapun, pastë dhëmbësh, shampon

Këto pako ndihmojnë për t’i bërë fëmijët të ndjehen të mirëpritur dhe na lehtësojnë komunikimin me prindërit dhe fëmijët.

Arritjet

2020

  • Donacion nga Ambasada Zvicerane në Kosovë: vitin e ardhshëm, ambasada financon gjysmën e shpenzimeve për sigurimin e reagensëve dhe materialeve të tjera shpenzuese që janë të nevojshme për funksionimin e plotë të flowcitometrisë. Jemi në kërkim të burimeve shtesë për të siguruar edhe gjysmën tjetër të mbetur të artikujve.

  • Vazhdon furnizimi me barna dhe ushqim enteral

  • Vazhdon sigurimi i pakove higjienike për pacientët e rinj.

  • Vazhdon Programi i Outreach i Akademisë së Qendrës Princesha Máxima.

2019

  • Vazhdon furnizimi me barna

  • Vazhdon sigurimi i pakove të mirëseardhjes dhe higjienës për pacientët e rinj në repartin e hemato-onkologjisë

  • Vazhdon Programi i Outreach i Akademisë së Qendrës Princesha Máxima.

  • Fillon projekti me ushqim enteral.

    Ushqimi i duhur është thelbësor për shërimin e shpejtë të çdo pacienti, veçanërisht ata nën trajtimin e kancerit. Në konsultim me nutricionistët holandezë, CfKK siguron që të gjithë fëmijët në spitalin pediatrik të kenë qasje në ushqimin enteral për të cilin kanë nevojë dhe inkurajon përdorimin e tij.

    Lexo më shumë

  • Çdo trajtim mjekësor fillon me diagnostikimin e duhur. Sa herë që një pacient diagnostikohet me leukemi, një mostër e palcës së kockave të tyre transportohet nga departamenti i onkologjisë pediatrike në Prishtinë në Qendrën Máxima në Holandë për analiza dhe mjekët e të dy spitaleve organizojnë një takim.

  • Mbështetja e përdorimit efektiv të Flowcitometrisë.

    Flowcitometria është i domosdoshëm për diagnostikimin e leukemisë sepse mund të zbulojë dhe analizojë anomalitë në qelizat e gjakut. Për më tepër, ky mjet ndihmon në përcaktimin e dozës së saktë të barnave. Flowcitometria në repartin e Onkologjisë Pediatrike nuk kishte funksionuar për vite me rradhë. Me mbështetjen e CfKK u blenë materialet e nevojshme për testim dhe pajisja u vë në funksion.

    Lexo më shumë

  • Një dhomë e veçantë u mor në përdorim prë ruajtjen e stokut tonë të barnave në QKUK.

  • Darka e tretë e bamirësisë së CfKK mblodhi 87,000 €.

  • Gjatë kohës kur po kryente praktikën e saj, praktikantja finlandeze Terese Backlund ngriti platformën në internet (https://mesenaatti.me/1247/_/) për të mbledhur fonde.
    Së bashku me Edona Toplica – menaxhere e CfKK në Kosovë – me këto mjete ajo më pas bleu lodra dhe libra të cilat i shpërndau për fëmijët në departamentin e onkologjisë pediatrike.
    Lexo më shumë
  • CfKK furnizon kuzhinën e spitalit pediatrik me një frigorifer të ri, një frigorifer ngrirës, një tharëse, një enëlarëse, termos dhe një blender.

    Kuzhinieret dhe infermieret nuk disponojnë pajisjet elementare të kuzhines të cilat janë shumë të nevojshme për të përgatitur vaktet ditore për njëqind pacientë. Me ndërmjetësimin e CfKK, institucioni financiar kosovar Monego dhe KFOR-i danez dhurojnë një furrë, një grirëse mishi, karroca, uniforma, pjata, enë dhe biberona.
    Lexo më shumë

2018

  • Vazhdon furnizimi me barna

  • Fillon programi i komunikimit ndërmjet Qendrës Princesha Máxima dhe repartit të onkologjisë pediatrike në Prishtinë.

    Nënshkruhet Memorandumi i Mirëkuptimit (MM) ndërmjet QKUK-së, Qendrës Princesha Máxima për Onkologji Pediatrike dhe Fondacionit World Child Cancer. Elementet më të rëndësishme janë trajnimi, edukimi dhe këshillimi për mjekët e QKUK-së, infermierët, stafin teknik, hulumtuesit dhe profesionistë të tjerë kosovarë në lidhje me gjendjen aktuale të onkologjisë pediatrike në këtë fushë. Seancat e trajnimit dhe edukimit zhvillohen gjatë një programi të shkëmbimit të profesionistëve mjekësorë ndërmjet Qendrës Máxima dhe QKUK-së në Prishtinë. Iniciohet një shkëmbim shkencor mes dy spitaleve.

    Lexo më shumë

  • Darka e dytë e bamirësisë së CfKK në Holandë mbledh 70,000 €.

  • Përfundon fushata e parë e Bankës Evropiane për Rindërtim dhe Zhvillim.

  • Sigurohen një makinë e re larëse, tharëse dhe peshore pediatrike.

  • Zëvendësohet shtrati lëvizës.

  • Në Kosovë prezantohen punime nga specialistë holandezë dhe austriakë në onkologji.

  • Xhudistja Majlinda Kelmendi bëhet ambasadorja e re e CfKK-së në Kosovë. Ajo është kosovarja e parë që fiton një medalje të artë në Lojërat Olimpike të vitit 2016. Për të mbledhur fonde, ajo ofron numrin e saj olimpik për tu vendosur në ankand.

  • Fillon projekti i kujdesit vullnetar dentar në departamentin e Onkologjisë Pediatrike.

    Fëmijët që trajtohen me kemoterapi shpesh nuk mund t’i nënshtrohen kujdesit dentar. Prandaj, është me rëndësi që dhëmbët e tyre të kontrollohen para se t’i nënshtrohen kemoterapisë dhe të marrin kujdesin e duhur dentar. Stomatologu i spitalit kryen këto kontrolle dhe trajton fëmijët mbi baza vullnetare. CfKK luan një rol të rëndësishëm në lehtësimin e kontaktit dhe komunikimit mes stomatologut dhe departamentit të Onkologjisë Pediatrike.

    Lexo më shumë

  • Dua Lipa dhuron donacion. Ajo është me origjinë kosovare dhe është një nga këngëtaret më të suksesshme në botë.

  • Përgaditen dhe shpërndahen pako higjenike për secilin pacient të pranuar në repartin e Hemato-Onkologjisë.

    Të gjithë fëmijët pajisen me një pako të mirëseardhjes me një lodër dhe gjësende për higjienën personale si sapun, pastë dhëmbësh, shampon

    Këto pako ndihmojnë për t’i bërë fëmijët të ndjehen të mirëpritur dhe na lehtësojnë komunikimin me prindërit dhe fëmijët.

    Lexo më shumë

  • Ndihma shtesë: Gjatë një periudhe ku kishte mungesa edhe më të thella se zakonisht të barnave dhe materialeve shpenzuese në të gjitha departamentet e spitalit pediatrik në Prishtinë, CfKK në konsultim me Ministrinë e Shëndetësisë së Kosovës, ofron të gjitha barnat dhe materialin shpenzues për gjithë spitalin Pediatrik dhe Klinikën e Neonatologjisë.

2017

  • Vazhdon furnizimi me barna

  • Fillon fushata e Bankës Evropiane për Rindërtim dhe Zhvillim (BERZH)

  • Darka e parë e bamirësisë së CfKK në Holandë mbledh mbi 38.000 €.

  • Psikologia Fatime Fejzullahu fillon punën e saj duke siguruar mbështetje mendore për fëmijët dhe prindërit e tyre në departamentin e Onkologjisë Pediatrike.

  • Punimet prezantohen në Kosovë nga specialistë holandezë dhe austriakë në onkologji.

2016

  • Vazhdon furnizimi me barna

  • Nënshkruhte Memorandumi i Mirëkuptimit ndërmjet Ministrisë së Shëndetësisë së Kosovës dhe CfKK.

    Me nënshkrimin e këtij memorandumi fillon një bashkëpunim i ngushtë mes të dyja palëve Përveç ndihmës së drejtpërdrejtë me sigurimin e barnave, CfKK kontribuon në mënyra të tjera në përmirësimin e kujdesit shëndetësor për fëmijët në Kosovë.
    Lexo më shumë
  • Organizohet simpozium me onkologë pediatër ndërkombëtarë nga Holanda dhe Austria.

  • ‘Chemo Kasper’, libri për fëmijë që përmban informacion lidhur me kancerin, përkthehet në shqip si ‘Kemo-Krenari’.

    Libri ndihmon në informimin dhe përgaditjen e fëmijëve për kemoterapinë.

2015

  • Vazdhdon furnizimi me barna

  • Protokollet për furnizimin me barna përmirësohen me sistemin e gjurmimit.

    Një kat i tërë i spitalit pediatrik rinovohet me mobilje të reja të sponsorizuara nga Keller Germany, firma e arkitekturës NIVOO3, Ambasada Amerikane dhe firma vendore e ndërtimit Bavaria.
    Lexo më shumë

2014

  • Vazhdon furnizimi me barna

  • Riparimi i shërbimit të lavatores qendrore të QKUK-së.

    CfKK furnizon makina të reja industriale të lavanderisë, tharëse dhe një makinë hekurosjeje.
    Lexo më shumë
  • Lansohet libri i gatimit ‘Streetfood Kosova’.

    Të gjitha të ardhurat nga shitja e këtij libri shkojnë në CfKK.

    Lexo më shumë

  • Në mënyrë që të zvogëlohet shqetësimi i pacientëve të rinj, muret e bardha në spitalin pediatrik zbukurohen me figura vizatimore.

2013

  • Care for Kosovo Kids themelohet dhe regjistrohet në Holandë dhe Kosovë si organizatë joqeveritare (OJQ) me statusin e Bamirësisë së Njohur Zyrtarisht për të Mirë të Përbashkët (ANBI).

    Nënshkruhet Memorandumi i mirëkuptimit ndërmjet Ministrisë së Shëndetësisë së Kosovës, Qendrës Klinike Universitare të Kosovës (QKUK), Klinikës Pediatrike të QKUK-së dhe fondacionit CfKK.

    Lexo më shumë

  • Medikamentet e nevojshme furnizohen në bazë të protokolleve transparente dhe një sistemi të menaxhimit të stokut.
Privacy Settings
We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
Youtube
Consent to display content from Youtube
Vimeo
Consent to display content from Vimeo
Google Maps
Consent to display content from Google
Spotify
Consent to display content from Spotify
Sound Cloud
Consent to display content from Sound