Si e financon CfKK misionin e saj?

‘Organizata është e matur dhe e kujdesshme në mënyrën se si trajton fondet, njohuritë dhe talentin. Çdo shpenzim llogaritet: a njohim dikë tjetër që mund të ketë interes ta sponsorizojë këtë, a mund ta bëjmë më lirë? Si këshilltare tatimesh – llogaritare e cila ka përpiluar pasqyrën financiare të CfKK-së gjatë shtatë viteve të fundit, unë vetëm mund të them se jam shumë e impresionuar. ‘

Lenny Blaakman, Drejtoreshë fiskale në Van Oers Accountancy & Advies dhe anëtare e Bordit Operativ Holandez në CfKK

dhuro

Sponsorët tanë

Dhuro!

Çdo donacion është i mirëpritur dhe do të përdoret për të trajtuar fëmijët që vuajnë nga kanceri në Kosovë

dhuro

Qendra Princesha Maxima Për Onkologji Pediatrike

Njohuria dhe ekspertiza e azhurnuar mbi onkologjinë pediatrike janë thelbësore për të ofruar trajtim efektiv. Qendra Princesha Máxima për Onkologji Pediatrike (shkurt: Máxima) nuk ofron para, barna ose pajisje, por ndan njohuritë dhe ekspertizën e saj me bujari me partnerët në Programin Outreach. Vlera e marrëdhënieve të tilla të qëndrueshme është e paçmueshme.

CfKK qëndroi në bazë të kontaktit mes Maksima-s dhe departamentit të Onkologjisë Pediatrike në Prishtinë. Stafi mjekësor në Prishtinë tanimë është i lidhur me programin e shkëmbimit të Máxima-s. Kjo do të thotë që nën titullin e arsimit të përhershëm, onkologët pediatrikë të të dy spitaleve kryejnë udhëtime studimore në të dy vendet. Për shkak të pandemisë së Corona (Covid-19), udhëtimet janë shtyrë përkohësisht.

Lexo më shumë

Fondet

Fondacioni në mënyrë aktive kërkon fonde për të mbështetur qëllimin e tij të kryesor (medikamentet) dhe iniciativa shtesë në projekte të ndryshme të tilla si ushqimi enteral për të gjithë fëmijët në spitalin Pediatrik të QKUK-së.

Menaxhimi i kostos është më e rëndësishmja. Kjo fillon duke e ditur se cilat janë nevojat e sakta, blerja me mençuri, kufizimi i shpenzimeve dhe shmangia e aktivitetet të panevojshme (p.sh. burokracia). Falë aftësive blerëse të disa sipërmarrësve në bord, çmimet për barna dhe ushqim enteral negociohen ashpër me prodhuesit farmaceutikë dhe ndërmjetësuesit.

Lexo më shumë

Bamirësi

Për disa vite tani, CfKK organizon një darkë për mbledhjen e fondeve-me ankand në Hollandë. Çdo vit më shumë njerëz regjistrohen dhe marrin pjesë, dhe çdo vit mblidhen më shumë mjete. Për shkak të pandemisë së Corona (Covid-19), darka e vitit 2020 duhej shtyrë. Në ndërkohë, i jemi drejtuar sponsorëve të mundshëm përmes telefonit ose internetit: kostot për trajtimin mjekësor dhe kujdesin shoqërues vazhdojnë.

Takimi i Bordit Operativ në Holandë, Putten, Vjeshtë 2019

Vullnetarët

Bordi i fondacionit Care for Kosovo Kids përbëhet nga vullnetarë që kryejnë këtë funksion pranë punës së tyre të rregullt. Kostot operative të CfKK menaxhohen nga p.sh. mbajtjen e mbledhjeve të bordit në shtëpinë e anëtarëve të bordit. Kjo i mban kostot e sipërme të ulëta dhe siguron që sa më shumë para të shkojnë për trajtimin dhe kujdesin e fëmijëve të sëmurë.

ANBI

CfKK në Holandë është një Bamirësi e Njohur Zyrtarisht për të Mirë të Përbashkët (ANBI). Kjo u jep sponsorëve Hollandezë përparësi të caktuara fiskale. Për më shumë informacione, shihni këtu.

Raporti vjetor

Shkarkoni të gjitha raportet vjetore.

Standaardformulier publicatieplicht

Faleminderit të gjithë donatorëve bujarë

Pa mbështetje të jashtme CfKK nuk mund t’i arrijë qëllimet e saj. Përkrah donacioneve, ndihma në mënyra tjera – njohuri, shërbime, materiale – është gjithashtu thelbësore. Që në fillim të vitit 2013 institucionet, kompanitë dhe individët treguan besim në fondacionin dhe kontribuan në mënyra të ndryshme. Falë kësaj mbështetjeje qindra jetë të fëmijëve janë shpëtuar në 8 vitet e fundit.

Fondacioni Salem Ermelo qysh në vitin 2014 tregoi angazhimin e tij duke dhuruar një shumë të madhe mjetesh me të cilën lavatorja qëndrore e spitalit mund të rinovohej. Kjo dhuratë në të vërtetë ishte një shtysë e madhe për themeluesit e CfKK për të vazhduar me përpjekjet e tyre.Qëllimi i fondacionit Salem Ermelo është të ndihmojë njerëzit që ndihmojnë të tjerët. Duke mbështetur nismat mjekësore synon të përmirësojë kujdesin shëndetësor në të gjithë botën. Salem gjatë viteve ka mbështetur edhe disa projekte të tjera të CfKK.
Linja ajrore Air Prishtina siguroi bileta fluturimi fala
Spitalet dhuruan pajisje mjekësore, dhe Imesa UCP së bashku me fondacionin Salem Ermelo financuan para për makineritë profesionale të lavanderisë, tharëseve dhe një makinë hekurosjeje për të gjithë klinikën e QKUK-së me 2400 shtretër.
Drejtori i të gjithë hoteleve Postillion në Holandë kontribuoi në të ardhurat e mëdha të darkave të mbledhjes së fondeve të CfKK duke ofruar vendndodhjen në Postillion Hotel Amersfoort dhe darkën për qindra njerëz falas.
The Vereniging Ouders Kinderen en Kanker (VOKK, Shoqata e Prindërve, Fëmijëve dhe Kancerit) u kujdesën për përkthimin pa pagesë të librit për fëmijë Chemo Kasper në shqip. Versioni i përkthyer (‘Kemo-Krenari’) tani u jepet falas edhe fëmijëve kosovarë që fillojnë kemoterapinë.
Shumë franciza të McDonald’s.

Kjo është mënyra se si kompanitë dhe organizatat shprehën vizionin e tyre mbi përgjegjësinë sociale të korporatave. Në emër të fëmijëve, prindërve të tyre, personelit mjekësor të departamentit të Hemato-Onkologjisë të QKUK-së në Prishtinë dhe bordit të CfKK ne falënderojmë sinqerisht të gjithë sponsorët. Edhe kështu, kjo iniciativë mbetet në nevojë për mbështetje!Pronarët e Hotelit Swiss Diamond në Prishtinë për 6 vjet dhuruan të gjitha qëndrimet gjatë vizitave të anëtarëve të bordit të CfKK dhe onkologëve pediatrikë.

Lexo më shumë

fëmijë Kosovarë të trajtuar çdo vit

vullnetarë

vite aktivitete të CfKK

Sponsorët

‘Përgjegjësia dhe Përfshirja Sociale e Korporatave ’është bërë një temë gjithnjë e më e rëndësishme gjatë 10 viteve të fundit. Kompanitë dhe organizatat janë të vetëdijshme se mënyra se si ata e shfaqin veten si të përgjegjshme shoqërore është një faktor i rëndësishëm në vlerësimin e tyre.

Në këtë uebfaqe, skeda Financat adreson ‘sponsorët bujarë ’.Sidoqoftë, çdo lloj mbështetjeje është i rëndësishëm për Care for Kosovo Kids. P.sh. siç u përmend më lart, mbështetja e Qendrës Princesha Máxima nuk sigurohet si para, por është shumë e rëndësishme për QKUK-në sepse ato janë plotësuese të CfKK-së. Ne mund të imagjinojmë se edhe shumë partneritete të suksesshme janë të mundshme.

Organizatat dhe kompanitë janë të mirëpritura të mendojnë për bashkëpunime interesante me CfKK për të arritur qëllime ambicioze. Misioni i Care for Kosovo Kids është t’u sigurojë fëmijëve që vuajnë nga kanceri kujdes adekuat në vendin e tyre të origjinës, dhe buron nga ndjenja e solidaritetit. Kosova është pjesë e Evropës dhe mundësitë e barabarta për fëmijët me kancer përshtaten me vlerat e Evropës. Veprat janë të nevojshme për ta realizuar këtë. CfKK merr përsipër këtë sfidë dhe është në kërkim të sponsorëve.

Kontakti:

Edona Toplica, menaxhere e CfKK në Prishtinë

e.toplica@careforkosovokids.com

+38344888671