Deri në vitin 2013, personeli mjekësor i departamentit të onkologjisë pediatrike të QKUK-së në Prishtinë ishte në gjendje të diagnostikonte lloje të ndryshme të kancerit, por mjekët nuk ishin në gjendje të trajtonin fëmijët që vuanin nga kanceri për shkak të mungesës së barnave dhe nevojave të tjera themelore. Shumë fëmijë humbën jetën nga kanceri për të cilin trajtimi ekzistonte.

Se një tragjedi e tillë ndodhi në Evropë – vetëm disa orë me aeroplan nga Holanda – ishte motivi kryesor për themelimin e fondacionit Holandezo-Kosovar Care for Kosovo Kids (CfKK). Që nga viti 2013, çdo vit rreth pesëdhjetë deri gjashtëdhjetë fëmijëve kosovarë që vuajnë nga kanceri kanë marrë trajtimin më të fundit në departamentin e onkologjisë pediatrike të QKUK-së në Prishtinë. Për tetë vjet tani, CfKK ka paguar për barnat e tyre.

Falë Gertjan Kaspers, Profesor i onkologjisë pediatrike dhe Ambasadorit të CfKK, onkologët pediatrik të Qendrës Princesha Máxima në Holandë – spitalit më të madh të dedikuar për onkologji pediatrike në Evropë – dhe departamenti i onkologjisë pediatrike të QKUK-së në Prishtinë tani bashkëpunojnë ngushtë. Mjekët që punojnë në QKUK mbështeten me diagnostifikim, trajtim dhe kanë qasje në bazën e njohurive të Qendrës Princess Máxima.

Qasja në kujdesin e duhur shëndetësor është e drejtë themelore e njeriut. Për fat të keq, qeveritë e njëpasnjëshme kosovare ende nuk kanë qenë në gjendje të krijojnë një sistem të kujdesit shëndetësor që, krahas të qenit i një cilësie të lartë, është i arritshëm dhe i përshtatshëm për popullatën.